2015 оны 01 сарын 07-ны өдөр Баянбулаг багийн нутаг Язаар уулын ард Цагаан хүзүүвч хэмээх газар адуучин тэмцээн боллоо. Тэмцээнийг Баянбулаг багийн засаг дарга П.Ялалтбаатар нээж тэмцээнд оролцогчид болон хуран цугалсан ард иргэдийн амар амгалан айлтгаж  амжилт хүсэв.Тэмцээнд 23 адуучин оролцсон бөгөөд Хэнтий аймгийн Баянмөнх, Дархан, Дэлгэрхаан, Мөрөн, Дорноговь аймгийн Айраг,Иххэт,Дундговь аймгийн Сайнцагаан сумдуудын адуучид оролцлоо. Адуучин тэмцээнийг  3 шүүгч шүүн явуулсан бөгөөд ерөнхий шүүгчээр Баянбулаг багийн засаг дарга П.Ялалтбаатар,Улаан-Эрэг багийн иргэн Сүрхийбаатар,Баянбулаг багийн иргэн Ганбаатар нар шүүн явууллаа.  Уурга шүүрэх, морьтой  уургалах,явган уургалах гэсэн 3 төрлөөр өрсөлдсөн бөгөөд  Дэлгэрхаан сумын адуучин Болдсүх тэргүүн байр эзлэж супер DAYUN мотоцикол, дэд байранд Баянмөнх сумын Баянбулаг багийн адуучин Ж.Энхбаяр шалгарч шүдлэн адуу , гутгаар байранд  Дархан сумын адуучин Ш.Эрдэнэбаяр шалгарч хонь, тусгай байранд Айраг сумын адуучин  Б.Батмягмар шалгарч 50.000 төгрөгөөр тус тус шагнагдлаа.Оролцсон адуучин бүрийг  20.000 төгрөгөөр шагнаж урамшуулав.Адуучин тэмцээнд адуугаа оруулсан 4  айл  бүрт хонь бэлэглэлээ. Ерөнхий ивээн тэтгэгчээр “Язаар эрэгнэг”ХХКомпаний захирал Д.Отгонбаяр ивээн тэтгэн явууллаа.Ерөний  ивээн тэтгэгч шүүгч тус бүрт 30.000 төгрөг гардуулав.Баянбулаг багийн адуучин Д.Түвшинбаяр Н.Эрдэнэчулуун нарын  зохион байгуулсан адуучин тэмцээнийг ард иргэд өргөнөөр үзэж сонирхож талархал илэрхийлж байлаа. Ийнхүү Язаар уулын ард Цагаан хүзүүвч хэмээх газарт 3 аймгийн 7 сумын адуучидын сэтгэлийг сэргээж урам хайрласан өргөн  хэмжээний  тэмцээн болж өндөрлөлөө.