“Дуулах өдөр” дуун цэнгүүн зохион байгуулагдлаа.

      ИТХ,Иргэний танхим, Хэрлэн баг ,Хаан банк,Төрийн банкууд хамтран ахмадууддаа хүндэтгэл үзүүлэн 2014.11-р сарын 21-нд сумын соёлын төвд ” Дуулах өдөр”-ийг амжилттай зохион байгууллаа. Үйл ажиллагааг нээж ИТХ-ын дарга Ц.Болдбаатар үг хэлэв.Суманд шилэн кабелийн нээлтэнд оролцохоор ирсэн МУ-ын ерөнхий сайдын зөвлөх, Хэнтий аймгийн бөхийн холбооны тэргүүн М.Хүдэрбаатар урилгаар “Дуулах өдөр” дуун цэнгүүнд хүрэлцэн ирж ахмадууддаа  баяр хүргэж 200.000 төгрөгийг  шагналд хандивлав.Хамтран зохион байгуулагч байгууллагуудын урлагийн номерыг ахмадууд талархан хүлээн авч бүжиглэн цэнгэж байлаа.Бүжиг,дууны  тэмцээн зохион явуулсан бөгөөд шүүгчээр ИТХ-ын нарийн бичгийн дарга Д.Лхагвасүрэн, номын санч Ч.Дэлгэрсүрэн, бүжгийн багш Энэрэл нар ажиллаа.Дууны тэмцээнд 13 дуучин оролцож Н.Басбиш 29 оноогоор тэргүүн байр, дэд байранд 28 оноогоор Д.Тунгалаг, гутгаар байранд 24 оноогоор С.Ичинхорол  нар шалгарлаа. Бүжгийн тэмцээнд 6 хос бүжигчин оролцож вальс / удаан /,задгай цагаан, хүмүүн төрөлхтөн ,вальс,полька гэх мэт 5 бүжгээр өрсөлдөж тэргүүн байранд  116 оноогоор Д.Цэвээнсүрэн, Ч.Нэргүй, Дэд байранд 115 оноогоор П.Чулуунбаатар, Н.Басбиш, гутгаар байранд 112 оноогоор Ц.Болдбаатар, Р.Уламбаяр  нар шалгарлаа.Ийнхүү Баянмөнх сумын ахмадууд нэгэн үдшийг дуулж,бүжиглэн үдшийг сайхан  өнгөрүүлэв.

Мэдээ бэлтгэсэн: Иргэний танхимын ажилтан П.Оюундэлгэр