Баянмөнх суманд "Номын ертөнц -2014" тэмцээн энэ сарын 17-ний өдөр  болж өнгөрлөө. Тус тэмцээнд сумын бүх  аж ахуйн нэгж байгууллагууд оролцлоо. Энэхүү тэмцээнийг  номын баярын өдөр тэмдэглэх тухай МУ-ын Ерөнхийлөгчийн  2012  оны 08 дугаар сарын 24-ны өдрийн 158-р зарлиг гарсантай холбогдуулан  хүн бүрийг номтой  нөхөрлүүлэх зорилгоор зохион байгуулсан байна. Багууд “Миний нутаг Баянмөнх” дуу дуулах, Ч. Лодойдамбын “Гарын 5 хуруу”  зохиолын хэсгээс жүжигчилсэн тоглолт, Ном сэдвээр шүлэг зохиох, үлгэрийн баатрууд амилуулах  номын бус аргаар ном бүтээх, зэргээр өрсөлджээ.  Тэмцээний Нэгдүгээр байрыг сумын Баянмөнх тохижилт ЗДТГ, ИТХ-ын нэгдсэн баг эзэлсэн бол, хоёрдугаар байрыг сумын цэцэрлэг, гуравдугаар байрыг Эрүүл мэндийн төв тус тус эзэлжээ.

 Мэдээ бэлтгэсэн: Баянмөнх сумын ИТХ-ын дэргэдэх Иргэний танхимын ажилтан П. Оюундэлгэр